Правила

Наградната игра се приредува со цел рекламирање на услугите кои ги нуди Организаторот и тоа: Basic Пакет; Standard Пакет и Family Пакет

Официјалното име на Наградната игра е „ Летна Наградна игра, Gley и Добивај “. Право на учество во Наградната игра имаат сите полнолетни лица –активна само обновлива претплата на еден од горе наведените пакети, а на која се претплатиле преку веб страната на Организаторот или преку продажните партнери Македонски Телеком АД и А1 Македонија ДООЕЛ.

Наградната игра ќе започне на 22.07.2024 година и ќе трае заклучно со 26.09.2024 година за претплати издадени заклучно до 23.59 часот и истата ќе се одвива во 8 (осум) кола.

Наградната игра се организира на територијата на Р. Северна Македонија. 
Во наградната игра нема да бидат доделени други награди. Замена на наградата со друга награда, со парична или друга противвредност не е дозволена. Организаторот не се обврзува да понуди друг тип на награда во истата вредност како замена на планираната награда.   

Учесниците во Наградната игра немаат право да бараат награда во поголема вредност или од различен вид од назначената во Правилата од страна на Организаторот. Организаторот не подлежи на никаква одговорност за задоцнети, изгубени или нецелосни учества. 

Право на учество во Наградната игра имаат сите полнолетни лица –кои имаат активна само обновлива претплата на еден од горе наведените пакети, а на која се претплатиле преку веб страна на Организаторот или преку продажните партнери Македонски Телеком АД и А1 Македонија ДООЕЛ.

Активната само обновлива претплата претставува потврда врз основа на која учесникот се стекнува со право на учество во наградната игра. Организаторот определува системски број на секој корисник со склучена претплата и при извлекувањето, добитникот ќе биде извлечен по бројот на склучениот договор.

Доколку биде извлечен добитник кој не ги исполнува условите, истиот ќе биде дисквалификуван и ќе биде заменет со првиот од резервните добитници кој во целост ќе ги исполнува правилата на Наградната игра.

Еден учесник во наградната игра има право да биде извлечен само за една награда од вкупниот број на награди предвидени во Наградната игра.

Учесниците кои не ги прифаќаат овие Правила на наградната игра имаат право да го откажат своето учество во Наградната игра со праќање на Изјава за откажување на учество во Наградна игра на е-маил адресата contact@svod.mk, во спротивно сите учесници ќе се смета дека ги прифаќаат Правилата на наградна игра и ќе учествуваат во неа. 

Наградата ќе биде доделена само ако учесниците се квалификувани, имаат право на учество и ако целосно ги почитуваат Правилата на наградната игра. 

Правилата за Наградната игра ќе бидат објавени, пред почеток на наградната игра, по добивање на согласност од Министерството за финансии на: 
– веб страната на Организаторот: https://gley.mk/ 
Со самото учество во наградната игра, Учесниците ги прифаќаат овие Правила за наградна игра. 

Извлекувањето на наградите ќе се врши во просториите на Организаторот на адреса ул. Јуриј Гагарин бр.31Б/2-3 Скопје – Карпош и тоа по случаен избор од системската база на податоци во која учествуваат клиентите кои ги исполнуваат условите за учество во наградната игра во дадениот временски период, и тоа на следниот начин: 

Прво коло: 08.08.2024 ќе се извлекува 1 добитник кој има активна претплата заклучно со 08.08 во промотивниот период, во 12часот.
Второ коло: 15.08.2024 ќе се извлекува 1 добитник кој има активна претплата заклучно со 15.08 во промотивниот период, во 12часот.
Трето коло: 22.08.2024 ќе се извлекува 1 добитник кој има активна претплата заклучно со 22.08 во промотивниот период, во 12часот.
Четврто коло: 29.08.2024 ќе се извлекува 1 добитник кој има активна претплата заклучно со 29.08 во промотивниот период, во 12часот.
Петто коло: 05.09.2024 ќе се извлекува 1 добитник кој има активна претплата заклучно со 05.09 во промотивниот период, во 12часот.
Шесто коло: 12.09 ќе се извлекува 1 добитник кој има активна претплата заклучно со 12.09 во промотивниот период, во 12часот.
Седмо коло: 19.09 ќе се извлекува 1 добитник кој има активна претплата заклучно со 19.09 во промотивниот период, во 12часот.
Oсмо коло: 26.09 ќе се извлекува 1 добитник кој има активна претплата заклучно со 26.09 во промотивниот период, во 12часот.

При извлекувањето ќе бидат користени е-пошти на претплатниците кои задолжително се внесуваат при регистрација/уплата на пакет.

Извлекувањето на наградите ќе се врши во присуство на комисија која ќе биде составена од три члена и тоа:
*Претставник од органот на управување на Организаторот;
*Претставник од административниот сектор на Организаторот; и
*Надворешен соработник;
За текот на извлекувањето ќе се води записник, кој ќе биде потпишан од членовите на Комисијата. На извлекувањето за наградите ќе бидат извлечени 8 добитника на награди и 8 резервни добитника. Доколку се појави пречка за доделување на наградата, наградата ќе се додели на резервниот добитник.

Списокот на добитници ќе биде објавен во рок од 3 (три) дена од денот на извлекувањето на фан – страната на Организаторот https://www.facebook.com/gleytvmk
Организаторот ќе ги извести добитниците за добиената награда, преку е-пошта која е наведена од страна на корисниците при регистрација на платформата;
Добитникот на наградата е должен во рок од 30 (триесет) дена од објавувањето на списокот на добитникот на фан-страната на Организаторот да ја прифати наградата.
Доколку организаторот поради недостапност на добитникот или поради друга спреченост на добитникот не може да изврши достава на наградата, или пак доколку добитникот одбива да ја прими наградата на адреса на која му се доставува, наградата може да ја подигне во рок од 30 (триесет) дена од објавувањето, во седиштето на организаторот на ул. Јуриј Гагарин 31Б, 1000, Скопје;

Организаторот на Наградната игра е должен да му достави на добитникот на наградата примерок од пресметката за аконтација на данокот како и податок за платена аконтација; Со конечната реализација на наградите престануваат сите обврски на Организаторот на наградната игра спрема добитникот.

Незадоволниот учесник во Наградната игра има право во рок од 3 (три) дена од денот на објавување на списокот на добитници да поднесе приговор во писмена форма до Организаторот на Наградната игра кој е должен во рок од 3 (три) дена, од денот на приемот на приговорот писмено да одговори на добиениот приговор. 

Во Наградната игра е строго забрането да учествува лице кое е партнер или акционер, или е во работен однос или врз основа на друг договор за работа е поврзан со Организаторот или работи со реализација, обезбедување и администрирање на Наградната игра, како и членови на нивните потесни семејства. 
Организаторот има за право да исклучи од учество во Наградната игра и да не дозволи добивање Награда на Учесник, за кој има податоци дека извршил злоупотреба со технички, програмски или други средства и уреди со цел неовластен пристап до системи на Организаторот и/или учество во Наградната игра и добивање на Наградата, или други дејства, спротивни на правилата на Наградната игра или на влезените во употреба нормативни акти. 

Организаторот во целост ќе ги почитува одредбите од Законот за заштита на личните податоци и во пракса ќе цели кон одржување високо ниво на добра практика при обработка на личните податоци.  
Добитникот во наградната игра изрично се согласува дека Организаторот, до отповикување на дадената согласност од страна на добитникот, може да прибира, води, чува и обработува лични податоци на добитникот, за целите на оваа наградна игра. 
Дадената писмена согласност за користење на личните податоци од страна на Организаторот, добитникот има право да ја отповика во секој момент, со доставување на барање, врз основа на кои личните податоци ќе се исклучат од понатамошното користење
Од страна на Организаторот ќе бидат определени лица овластени за обработка на личните податоци поврзани со реализацијата на оваа наградна игра. Овластените лица своерачно ќе потпишат и Изјава за тајност и заштита на личните податоци согласно прописите за заштита на личните податоци.
Организаторот на наградната игра се обврзува дека ќе ги обработува и чува податоците во период од 3 месеци по завршувањето на наградната игра, освен за податоците кои треба да ги чува подолго согласно закон. После тоа сите документи кои содржат лични податоци ќе бидат уништени од страна на лице определено од Организаторот,  согласно процедурата на Организаторот за уништување документи, а според прописите за заштита на лични податоци. 

Наградната игра може да биде прекината во случај на виша сила, вклучувајќи ја неможноста на Организаторот да ја изведе наградната игра поради причини независни од неговата волја.
Во овој случај, Организаторот, по известувањето и добиената согласност од Министерството за финансии, треба да ги информира потрошувачите за прекинувањето на наградната игра, за причините за прекинувањето и за датумот на прекинување преку соопштение во медиумите. 

Во случај на спор помеѓу Организаторот и учесниците на наградната игра, надлежни се соодветните судови во Скопје. 

Овие официјални правила важат од денот на нивното донесување, а ќе започнат да се применуваат откако Министерството за Финансии ќе издаде Дозвола за приредување на игра на среќа – наградна игра и истите ќе важат сè до завршувањето на наградната игра. Со учеството во наградната игра секој учесник ги прифаќа сите права и обврски утврдени во овие правила.
Сите заинтересирани може да добијат примерок од правилата на наградната игра на свој трошок од канцелариите на Организаторот.